Un lugar máxico onde atopar todos os mundos posibles,
onde crear os teus propios soños, onde pasalo ben e aprender.
Benvidos ao blog da biblioteca do Ceip Juan Rey!

10 ene. 2018

Contos de Nadal

No mes de decembro adicamos un tempo a ler e contar historias de Nadal que nos recomenda Fabola.

Os novos amigos de Fabola no seu salón.

Unha paisaxe de Nadal

Para decorar a Biblioteca cada curso elaborou unha árbore de Nadal , podedes escoller a que máis vos guste.

1º e 2º

5º e 3º

4º e 6º

Infantil

Premios concurso ilustradores

María e Daniela foron as gañadoras do noso concurso de ilustradores. Grazas por paricipar!!!!



20 nov. 2017

Convidámoste a ler Escarlatina , a cociñeira defunta de Ledicia Costas.

Convidámoste a ler  Escarlatina , a cociñeira defunta de Ledicia Costas.
Os alumn@s de 5º de E.P.leron este libro para empezar o curso . Como xa sabedes é un dos libros máis premiados e coñecidos de Ledicia Costas.


A eles tamén lles gustou moito. Aínda que non queremos contarvos o argumento non deixedes de visionar  este vídeo no que podedes ver a nosa opinión e os traballos que fixemos.

Deixamos este maletín “ terrorífico” na biblioteca  para que vos animedes a ler e a inventar a segunda parte…
Felicidades Ledicia, eres a mellor!!!

29 oct. 2017

Día da Biblioteca 2017.

 Un curso máis celebramos este día lembrando a importancia das bibliotecas para a difusión da cultura e o coñecemento. para celebralo convidamos a todos a ler o pregón que podedes descargar aquí e participar no concurso de ilustradores ata o marte 31 de outubro. Sorte e moita imaxinación!!! Non deixedes de velos todos  aquí

                                                                     



 

Día das Biblioteca 2017, colaboración coa biblioteca do concello.

Esta semana estivemos celebrando o Día da Biblioteca.
Patrocinado polo concello de Lourenzá os alumnos de 5º e 6º visitaron a biblioteca municipal e realizaron un interesante obradoiro de maxia e literatura.




Despois ,aquí ,na nosa biblio tivemos unha actuación do Mago Albert  para todos , que nos gustou moito.

Curso 2017/ 18

Benvidos un ano máis a nosa biblioteca.Lembrade que este espazo do colexio está aberto a todos e que nel podedes disfrutar da maxia da lectura; que vos permite sen saír de Lourenzá, viaxar no tempo e no espazo.


Comprobamos que vides con moitas ganas de entrar na biblioteca,para gozar dun intre de lectura nos recreos  da mañá e de tarde.
Podedes utilizar os ordenadores  para entrar neste blog e acceder a actividades que foron deseñadas para aumentar a velocidade lectora, crear un cómic; ou xogar mentres poñedes en práctica os vosos coñecementos sobre as normas ortográficas.

Tamén podedes vir rematar algunha tarefa pendente, e poder ir máis tranquilos ás actividades da tarde.


Ata para evadirse e atopar un espazo tranquilo, á hora na que hai máis ruído no colexio.
Estamos encantados de contar nos recreos, coa vosa presenza sempre voluntaria, nunha biblioteca que segue medrando en número de libros e de lectores.